O lea ua faalauaitele e le malo suiga mo le puipuiga o tagata Niu Sila mai le Koviti
O le Aso Faraile o le vaiaso nei o loo fuafua e aloaia ai le tatau ona faailoa faamaoniga o siaki o le Koviti mo pasese mai Amerika ma le United Kingdom faatoa feosofi I luga o le vaalele, peitai o le aso ananafi ua faailoa mai ai o le a aafia uma ai atunuu o le lalolagi seia vagana ai Ausetalia, Antarctica ma atumotu o le Pasefika I le tatau ona faia o siaki o le Koviti
O lea foi o le a faalauaitele I le toatele o tagata faimalaga mai fafo le faaaopoopo o le isi siaki e tolu a’I siaki o le Koviti a’o faanofoesea, e pei ona faailoa mai e le Minisita o le Koviti, Chris Hipkins, amata atu I le Aso Gafua ole vaiaso a sau o le a faia uma ai siaki o le Koviti o I latou mai fafo I le aso muamua e ulufale mai ai I Niu Sila, ma ua suia mai ai I le na o pasese mai Amerika ma le United Kingdom o loo iai I le taimi nei
O siaki o le aso lona 3 ma le aso lona 12 o loo faatumauina pea, ma e le o taua ai foi i lea suiga I latou e faimalaga mai Ausetalia, Antarctica ma le Pasefika
E le o aafia ai foi I lenei suiga fanau I lalo o le ta’I 2 tausaga le matutua Amata atu I le aso 29 o le masina nei, o I latou uma e taunuu mai I Niu Sila e aunoa ma se faamaoniga e negative siaki o le Koviti poo se pepa ma’I e faamaonia ai na faia se siaki ae le’I agai mai, o le a tuuina atu iai le faasalaga tupe e le silia ma le $1000
