Fai mai le faalapotopotoga o le soifua maloloina o le lalolagi le WHO ua silia nei ma le 550 tagata ua aafia i le monkeypox i atunuu e 30 o le lalolagi o loo pepesi ai lea faama’i i le taimi nei.
Fai mai le faalapotopotoga e ese le tulaga o loo latou matauina i le pepesi a le faama’i aemaise e eseese uma vaega o loo alia’e ai i le taimi e tasi. Ua faaalia e fua i le latou su’esu’ega ma faamaumauga ua faamauina e foliga e alia’e mo se taimi puupuu i nisi o nofoaga ae i ni nai vaiaso mulimuli ane ua toe alia’e foi i se isi nofoaga ae ua sili atu le aofai o tagata aafia.
Ta’ua e le sui mai le faalapotopotoga e lē mailoa le mafuaaga tonu o le faama’i ae o loo galulue i le faamautuina o se fofo o le faama’i ma ia faaitiiitia le aofai o tagata e aafia ai.
