Ua tuua’ia e Saina le pulega a Trump i lona tulaga i le mataupu ia Taiwan, lea ua lipotia ua aveese e le ofisa o le pulega a Amerika se laina mai le latou upega tafa’ilagi o loo ta’ua ai e lē lagolagoina e Amerika le tuto’atasi o Taiwan.

Fai mai lipoti ua leva ona iai le laina lea i le upega tafa’ilagi a Amerika ae na vaaia ua aveesea i le vaiaso talu ai ma ua talia lelei e Taipei peitai ua matua’i faailoa ai le lē fiafia o Beijing Saina lea e talitonu lava latou o Taiwan o lo latou teritori ma e tatau ona o latou umia i se aso e tusa lava pe faaaogā ai le malosi.

Ua unaia la e le ofisa o le va i fafo a Saina, le ofisa o Amerika ina ia toe faasa’o ana mea sese ua faia pe o le a iai loa ma se tulaga lē lelei i le la sootaga.

I se faamatalaga i luga o le CNN ua ta’ua ai e le ofisa o Amerika o le suiga ua faia i luga o le upega tafa’ilagi o se vaega o ana updates masani.

Puna o Faamatalaga: https://edition.cnn.com/2025/02/17/china/china-rebuke-us-state-department-taiwan-intl-hnk/index.html