Ua maua le tala fiafia ua lē toe iai se dengue fever i le Atu Kuki e ui o loo iai lava vaega o le Pasefika o loo maitauina le iai pea o lea faama’i.
O Tonga o loo faamauina ua oo atu le numera o i latou ua aafia i le 66 ae leai se soifua ua ma’umau.
O Niu Kaletonia ma Samoa faapea Futuna o loo lipotia le iai o tagata aafia i le taimi nei.
Sa silia ma le afe tagata na aafia i le Atu Kuki ma le to’atasi na maliu peita’i o lea ua toe malolosi uma, ma o le aso 28 o Aperila o loo faamauina ai le tagata mulimuli na aafia.
O loo fautuaina pea le atunuu ia faamamā nofoaga o loo aumau ai aemaise le tineia o le namu lea e fesoasoani tele i le feavea’iina o le faama’i.
Puna o Faamatalaga: https://www.rnz.co.nz/news/pacific/596363/cooks-dengue-free-but-cases-still-being-reported-in-other-areas-of-the-pacific
