Ua pasia nei le faitauga mulimuli o le tulafono e faatatau i a’oga e faatupe e le malo ae faagaioia tuto’atasi poo charter schools.
O le faitauga mulimuli i le asō i le Palemene na faafofogaina ai ma nisi o lauga e lagolago ma tetee ai foi i le pili.
O le suiga lea sa folafola e le National i le latou maliega soofaatasi ma le ACT, na saunoa ai ma le minisita lagolago o Aoga, David Seymour, o le a o latou valaaulia tagata ma komiuniti e amata ni a’oga, o le a o latou maua tupe mai le setete sa masani ona faaalu i tamaiti i a’oga a le setete.
Ta’ua e Seymour o le a mana’omia ona iai i se tulaga maualuga a’oa’oga i a’oga ia ma ia faaleleia le tulaga tau tupe, o le auai o tamaiti i le aoga aemaise o mea e mafai ona o latou ausia.
Saunoa le faipule o le Leipa o Camilla Belich o le toe aumaia o charter schools o se mea sese, ua tuu ai ma se lamatiaga i luga o fanau lea e fai ai faata’ita’iga o ia ituaiga a’oga.
Ua pasia le tulafono i le lagolago a le National, ACT, NZ First ae tetee iai le Leipa, Greens ma le Pati a Maoli.
Puna o Faamatalaga: https://www.1news.co.nz/2024/09/25/charter-schools-revived-as-bill-passes-final-reading/
