O tamaiti aoga uma ua aafia aoaoga ona o le vavao poo le tapu, o le a maua ni togi faaopoopo mo le NCEA poo bonus NCEA credits ae fua i aiaiga faapitoa ua faatulaga e le malo.
Ole folafolaga lea e pei ona faailoa ane i le aso ma o loo lipotia foi I le newstalk.
O soo se tamaititi aoga sa aafia le latou aoga i aiaiga ole tapu pei ole aofia ai i le level 3 poo le vaega 4 mole silia ma le 20 aso aoga ole a agavaa i le faiga lea ma o le a agavaa e faatulaga nisi o maliega ma le ulufale atu i iunivesite.
Fai mai le malo o le ola maloloina o le tamaititi e ave iai le faamuamua aemaise lava i aoga ua maea ona pesia ona tagata i le faama’i i le tausaga nei.
O loo galulue malosi faiaoga e fesoasoani i tamaiti aoga mo tapenaga mo ia suega mae o loo matauina foi le faapopoleina o i latou i le vaega matutua poo seniors i le ausia o se tulaga lelei i suega o le NCEA pe afai e faaauau pea vavao ma tapu.
