Ua molia nei se alii I le fasioti tagata ona o le faalavelave na tulai mai I Panmure I se taimi e lei mamao atu ma sa lipotia atu foi I talafou. Ua faailoa I le herald I le aso o le ua molia e 48 tausaga mai Manurewa East, o Bradford Damian Kipa.
Fai mai le satini sinia I Aukilani, Steve Anderson, sa muai molia le alii lea I le faaoolima ina ua valaau ane leoleo ile faalavelave lea I Tripoli Rd I Panmure I le aso 23 o Aokuso na maua atu ai le ua maliu o John Tofu Ioane ile vaega na tupu ai le faalavelave.
Ua toe taofia nei le alii o Bradford seia aulia le masina fou e toe valaau ai I le faamasinoga mo sana tali I lea moliaga. O loo taua I le lipoti e toatele tagata ua faailoa feau o faamaisega ma alofaaga I le aiga o si tama ua maliu I lenei faalavelave.
I seisi foi lipoti mai le herald lava ua taua ai le mafai ona faailoaosuafao alii e toafa ua faatulaga e tutulai I luma o le faamasinoga I moliaga o le gaoi ma le fasioti tagata I le maea o le maliu o se talavou 21 tausaga I se paka I Aukilani I Saute I le tausaga na tea nei.
O le alii mai Magele I Sasae, Stanley Isaac Ramese 25 tausaga, Simon Tavita 24 tausaga o Papatoetoe, Kitiona Isaac Stanley mai Auckland Central 27 tausaga ma Andy Tofaeono Moataa27 tausaga mai Henderson. O le aso 8 o Novema ua faatulaga e amata ai le faamasinoga oi latou ia.
