E manatu le alii o loo faalauiloaina fusuaga a Joseph Parker e ui i le faia’ina a Parker i le fusuaga ma Joyce ae o le a le faamuta ai ii le taleni fusu a lenei alo o le atunuu.  

Ua saunoa le promoter Ben Shalom i se faatalanoaga i le Newshub o ia e talitonu i le tulaga lelei o le taumafai a Parker lea na ia ausia ai le taamilosaga 11 mai le 12 o rounds sa faatulaga i le la fetauiga ma Joyce ma o le a avanoa ai foi lea tulaga mo nisi fusuaga i le lumanai.  

Fai mai Shalom e maua fusuaga tetele a Parker ma o le a maua foi nisi avanoa faaopoopo ma tupe faaopopo foi. Ta’ua e Shalom o le faiga lea o le faagatama lenei o le fusuaga ma o le mafuaaga foi lea na mananao ai e faia lea fusuaga. Fai mai Shalom o loo manao Parker e toe fusu ma o loo iai foi nisi fusuaga tetele i le UK ma e le o toe mamao. 

E teena e le alii faalauiloa fusuaga nisi o manatu e faapea o le tolu lenei o faia’ina a Parker ua tatau ai loa ona faamuta lana taleni fusu, ae fai mai Shalom silasila ia Derek Chisora lea na faia’ina faalua ia Parker i le 2021, ae o lea lava e fusu pea i le  taimi nei.