O le a le toe saisaia lima pe handcuff tina maitaga o loo faasala I le toese I taimi e faatiga fanau ai

E tusa ma saunoaga a le pule sili o le vaega o falepuipui, Jeremy Lightfoot, o ripoti e le I mamao atu na faalauiloa e le komesina o fanau o loo sau ai le le talafeagai o lea tulafono

Ma o le suiga o le a iai o le faaaoga lea o le aufaigaluega e leoina potu o loo faafanau ai tina nei o loo tuli faasalaga I le toese

E lua suesuega ua lomia ai ripoti na faia e le komesina o fanau taulai lea I tina o loo saisai lima I taimi o loo faatiga fanau poo le uma ona ola I totonu o falemai, ma na faia lea I le tausaga talu ai faapea le 2019 I Aukilani ma Kalaiesetete

Ua sau ai ma suiga o le a faasaoloto pe le saisaia lima o tina I taimi e faatiga fanau ai ma o le a mulimulitai lava foi I faamaoniga mai fomai

Ua faailoa foi e le pule sili, o le a mataitu lava e le aufaigaluega itu uma aua lava foi le saogalemu o tagata uma