E iai se lipoti ua molia i le 9News i le asō ua ta’ua ai se aiga na totogi le faitau afe o tupe e aga’i ai i se malaga taamilo i atumotu e tolu o le Pasefika ae iloa ane mulimuli o loo tafafao lava i tua ane o Brisbane.

Fai mai le lipoti o se kulupu o pasese a se vaa tele, cruise ship sa faapea a latou na o latou totogiina se malaga e 8 aso i le vaa e asia ai atunuu e tolu o le Pasefika peitai na iloa ane mulimuli ua na ona totogi o tupe ae foliga e lē o aga’i le vaa i se isi nofoaga ae o tua ane lava o Brisbane.

Ua faailoa o i latou na aafia o se aiga e aumau i Brisbane ae o loo ta’ua o le faasalalauga sa o latou tali iai e aofia ai le fuafuaga e agai ese le vaa ma Sini mo po e valu e asia ai ni nofoaga i Niu Kaletonia ma isi.

Ua ta’ua i le lipoti na mulimuli toe faailoa ane e le Choose Your Cruise i si aiga lea ua sui le itinerary ona o nisi o tulaga o loo tula’i mai i Niu Kaletonia.

O le itinerary fou la e aofia ai le taamilo i Willis Island lea e i gataifale o Cairns, fai mai se tasi o le aumalaga o lona uiga la o le a felelei mai i Sini ina ia toe ui atu ai i gataifale o Kuiniselani ma toe foi atu i Brisbane, ailoga e iai se tagata Brisbane na te fia faia lea tulaga.

O le tali ane a le Choose Your Cruise i le 9News ua ta’ua ai ona o le itiiti o uafu o loo avanoa ane mai le Vasa Pasefika, ua na o Brisbane le uafu avanoa mo lea faigamalaga.

O lona uiga e sa’o ai nai tagata na fai bookings, e silia ma le ta’i 4 afe na totogi e le ulugalii ae toe tafafao lava i o latou tuafale.

Puna o Faamatalaga: https://9now.nine.com.au/a-current-affair/they-were-promised-pacific-islands-but-are-now-cruising-to-the-port-of-brisbane/491ff10b-6ddb-4b1c-a064-8d9181d97491