E faamoemoe le Tomatoes NZ talosia o finagalo faaalia mai le ‘au totō laau e faatatau i lu’itau o loo feagai ma latou i le totōina o lea foi fualaau’aina, o le a faailoa ai i le malo ma le ‘au faatau le taugata ma le faigata o le totōina o le tamato.
O loo tuufaatasia nei ni finagalo faaalia mai ia i latou ia e aoao faatasi ai se pepa o faamatalaga e faamatamata tetele ai lu’itau o loo feagai ma growers poo i latou e totōina tamato.
O lu’itau e pei o le siitia o le tau o le eletise ma le faatinoina o lea matafaioi aemaise o le to’aititi o le aufaigaluega.
O le eletise e faaaogā e faavevela ai greenhouses o loo totō ai laau ia ma o le sailia foi o ni tagata faigaluega o se lu’itau tele ona o aafiaga o le koviti ma vavao sa iai i tuaoi.
Fai mai la le sui o le Tomatoes NZ, Barry O’Neil i le lipoti a le One News, o loo latou faalogoina i le aufaasalalau ma tagata faatau le manatu e faapea ua taugata tele le tamato ia ae e fai lava si faigata foi o lu’itau o loo feagai ma i latou o loo galulue i lea matātā mo le aumaia o tamato i le maketi mo le fofoga taumafa.
