Ua faaauau pea ona faaitiitia le aofai o tagata aafia ile koviti 19 i le setete o Niu Sau Uelese e pei ona lipotia mai le aso ua faamauina ai le 135 o tagata ua aafia ile setete faatusa atu i le silia male afe na iai i le tele o aso na sei mavae atu nei ao faateteleina le pepesi o le faamai ile setete.
Ua taua mai e le 7 news o nofoaga e faia ai tui puipui atoa ai ma faletalavai ua o latou ofoina nei booster shots poo tui puipui faaopoopo mo tagata o le setete.
O le aofaiga aupito maualalo lea talu ona vaaia le siitia o cases i Niu Sau Uelese ma ua faamauina e toafa i latou ua maliliu.
Ua silia ma le 93 pasene o tagata matutua ile setete ua maea ona faia le tui muamua o le faamai male 87.7 pasene ua maea uma ona faia tui puipui.
Fai mai le minisita o le soifua maloloina, Brad Hazzard o Niu Sau Uelese e iu ina avea ma se tasi o faaitu aupito i maualuga le aofai o tagata ua faia uma tuipuipui o le faamai o loo iai.