Ua taofia nei e le matāgaluega o Primary Industries (MPI) le toe o o nisi mai lana matāgaluega e galulue i le ofisa o le minisita ia Mark Patterson.
O Patterson o le minisita o le NZ Frist, ma o loo vaaia le matāgaluega o Rural Communities, ae minisita lagolago i le matāgaluega o le vaomatua.
Ua lipotia e le 1News o lea ua faaulu aloa’ia faaseā a tagata faigaluega a le MPI ma e oo mai ananafi e lē o toe iai se isi mai le matāgaluega o galue i le ofisa o le minisita.
O faaseā nei o loo ta’ua ua aafia le mālōlōina o mafaufau o le aufaigaluega faapea ai ma le aotelega o loo faatautaia ai galuega i le ofisa o le minisita.
E leai se tali mai le ofisa o le Palemia e tusa ma lenei mataupu, ma ua sau ai ananafi i le faato’ā uma ona faailoa aloa’ia mai i le Aso Gafua o le vaiaso lava lenei o le faamavaega a le minisita o le National Andrew Bayly ona o nisi o feeseesea’iga na tula’i mai ia te ia ma se tasi o lana aufaigaluega.
I le mataupu ua aafia ai le minisita o le NZ First, faamautinoa mai e le matāgaluega o le Internal Affairs, o faaseā ua faaulu e lē o aafia ai le minisita.
Puna o Faamatalaga: MPI withdraws staff from NZ First Minister’s office after complaints
