Faitau selau faigamalaga a pasi le taunuu i totonu o le aso e tasi ona o le utiuti o avepasi.
E le o faigofie ma o lea ua tuuina atu le tusi talosaga i le minisita o femalagaa’iga Michael Wood sei toe iloilo taiala e faafaigofie ai ona aumai nisi avepasi mai atunuu i fafo e fesoasoani i le auaunaga.
E le tasi se vaega o Niu Sila o loo tupu ai.
I Aukilani lava ia, o lea na sau le faasilasilaga i le vaiaso nei o le a le faataunuuina le tele o faigamalaga masani a trains e mafua ona o galuega faaleleia o loo faia.
O ni galuega ua faamoemoe tasi ai nei i auaunaga a pasi.
Ae i se tali a le minisita ia Wood e pei ona molimau ai i luga o le Checkpoint, e moomia le faaleleia muamua o totogi faapea le faatautaia o galuega a avepasi i totonu o le atunuu a o lei aapa i atunuu i fafo.
Ae i le talosaga e faafaigofie le aumai o avepasi mai atunuu mamao, fai mai Wood o le a faailoa mai i totonu o nai vaiaso o i luma
