Ua amata i le aso le faamasinoga o Himatjit Singh Kahlon, 40 tausaga lea o loo tuuaia i le fasioti tagata paivalea ia Aiden Sagala 21 tausaga, ile faamasinoga maualuga i Aukilani.

O loo tetee Kahlon i moliaga ole fasioti tagata paivalea. umia o le aisa mo le sapalaia atoa ma le cocaine i le va o le aso 7 o Ianuari ma le aso 4 o Mati 2023.Ile folasaga amata a le loia a le Crown i le mataupu lea Pip McNabb na ia taua ai o Sagala na maliu i le aso 2 o Mati 2023 ona ua ona i le aisa, methamphetamine, ina ua tuuina ane iai ni apa sa faapea ia o ni apa pia ae fai mai leoleo o isi apa sa iai ma le aisa.

Fai mai le Crown i le lipoti a le Herald, o Sagala e mama i le mataupu lea, fetauaina ai nisi latou te aumaia le fualaau faasaina lea i le atunuu.

Taua e le loia a le Crown o loo fetauaina le maua o fingerprints poo faamaoniga o tamailima o le ua molia i le tele o aitema i totonu o le unit lea i Ryan Place i Manukau na maua iai e leoleo le faitau afe o ia apa. I le suesuega na faia i le mataupu lea na maua ai e leoleo le 747 kilo o le aisa i Manukau, maua ai ma se aofaiga tele o le apa pia lea faaigoa o le Honey Bear House beer.

E tolu vaiaso ua fuafua e faagasolo ai le mataupu lea i le faamasinoga ma e 48 molimau a le Crown ua fuafua e valaauina.

Puna o Faamatalaga: https://www.nzherald.co.nz/nz/meth-beer-case-trial-of-man-accused-of-the-manslaughter-of-aiden-sagala-is-underway-at-the-high-court/QV4CZMEKONB6BFFFOAQ5ZXV23U/