Ua oo atu i le 73 i latou ua aafia i le dengue fever i Tonga e pei ona faamauina i le aso ananafi i faamatalaga mai le malo o Tonga.
I se pepa o faamatalaga mai le matāgaluega o le soifua mālōlōina a lea atunuu ua ta’ua ai o i latou o loo mātele ina aafia i le faama’i e i le va o le 10-19 tausaga le matutua.
E to’alima isi o loo taofia i le falema’i ma ua faasolo manuia.
O le motu o Tongatapu lea e aupito to’atele ai tagata aafia sosoo ai ma Vava’u ma ‘Eua ae o le itu lelei e le’i iai lava se soifua ua ma’umau.
O le aso 19 o le masina lenei na logoina atu le pepesi i le atunuu o le dengue fever ma faafetaia ai e le malo Tonga le faigamalo a Ausetalia ma Saina i le fesoasoani ane.
Puna o Faamatalaga: https://www.rnz.co.nz/international/pacific-news/543174/tonga-s-health-ministry-reports-73-dengue-cases-no-deaths
