A o tali tali ai se aso e ono toe vaaia ai le pa’ū o le tau o le penisini, o lea ua maitauina i se ripoti folasia i le Palemene, le fautuaina o patī poo vaega faaupufai ina ia amata mea i latou e lagolago le faaaogāina o taavale e alu i le uila, pe ola e faaaogā ai malosi’aga o le eletise i totonu o Aotearoa.
O lenei ripoti ua faaigoaina o le State of the Nation Report, ma o se ripoti na tuuina mai e le vaega ua ta’ua o le EV advocacy group Drive Electric, ma ua o latou faamauina, o le faaaogāina o taavale nei poo EVs o le a vaaia ai le telē o le suiga i tulaga tau i malosi’aga i totonu o Niu Sila poo le Energy System, e lē gata i lea ae o le a vaaia ai foi le tuuitiitia ai o kasa oona poo emissions faapea le faalagolago atu i suāuu e auina mai.
Faaamauina i lenei ripoti, o loo ta’ua ai o auala o femalagaa’iga o loo iai nei o loo maua ai le oo atu i le 18% o kasa oona i totonu o Niu Sila, e toeitiiti lava a maua ai le ‘afa o le kaponi poo le carbon dioxide emissions.
Ma o lea ua fautuaina malosi ai le atunuu ina ia tilotilo i le EV o se aseta aupito i lelei, ma o se aseta e alu i le uila e mafai ona fealua’i i soo se itu, ma o loo mafai ona faaaogāina e tauala mai i nisi o auala faatekonolosi.
E tusa ai ma sa’ili’iliga a le ‘ausu’esu’e, na o latou faaalia ai o le 30% o taavale i totonu o Niu Sila o ni taavale ua faaigoaina o le “vehicle-to-grid” o lona uiga e mafai ona toe maua se isi malosi’aga o le eletise mai le maa o le taavale aga’i i grid poo le vaega o loo maua mai ai le malosi’aga o le eletise.
O loo faailoa foi i lenei ripoti tulaga o le soifua mālōlōina faapea le taugatā ma le tetele o seleni e totogi ai vaega o kasa oona o loo maua mai i taavale, ma le tele o auala o feoa’iga, e aofia ai ma le faitau afe o tusi poo admissions e tuuina atu mai falema’i; ma le sili atu ma le 2000 o maliu e tula’i mai i tausaga ta’itasi ona o le aafia o le ea i kasa oona (air pollution).
Ae na faaalia foi le upuia ai e le Drive Electric o le faai’uga a le malo talu ai o lea na aveese ai fuafuaga e pei o pa’ū na iai – Clean Car Discount, faapea ai o tupe e totogi mo le faaaogāina o le auala, lea sa aveese ae peita’i ua toe faia nei, ma o le ala lea na molimauina ai le pa’ū tele o tagata e toe aga’i e faatau EVs e pei ona iai le 27% i le tausaga 2023 ae o lea ua 11% e tusa ai ma ripoti i le tausaga talu ai.
E ui i ia faamatalaga, ae o loo ta’ua le tumau pea o le malo i ana faai’uga ae o lea ua faalauiloa le $53 miliona ua tuu atu ai le lagolago e faalautele tau o le iai o nofoaga e fafaga ai EVs i itu eseese o Niu Sila.
Puna o Faamatalaga: https://www.rnz.co.nz/news/environment/595811/evs-could-reshape-the-entire-energy-system-report
