O to’a na aafia ai tapenaga a le Fono Faavae a le itumalo faapalota o Faasaleleaga Numera 5 ma toso ai le amataina o a latou atina’e e faaaogā iai le poloketi tasi le miliona tala, ua faailoa e le Minisita o le Matagaluega o Tina ma Tamaitai, Atina’e o Afioaga ma Aga Fesootai o loo vaaia lea poloketi a le Malo, le maoa’e o le tulaga ua taatia mai ai nisi o taumafaiga a lea itumalo i le faaaogāina o le latou miliona tala muamua.
Ua faaalia e le minisita i le feiloa’iga ma tusitala i le vaiaso na te’a nei, o se faata’ita’iga lelei lea mo isi itumalo, aemaise o le ta’iala fou ua lima ta’ita’iina ai le poloketi e tatau ai ona saili atina’e e agai tonu i le manuia o tagata o nuu ma afioaga o se itumalo.
