Ua iu i se tala faanoanoa le sailiga o se alii talavou lea sa lipotia atu i le vaiaso talu ai sa feta’ua’ina ua tafea i lologa i Niu Sa Uelese ina ua faailoa mai i le aso ananafi ua maua se tino maliu mai vaega sa lolovaia o le setete.
O si alii talavou 19 tausaga na fiu e tau saili ina ua maua e leoleo ni lipoti e faapea e lei toe vaaia talu ona tafea i tafega i Balranald lata i Mildura i Niu Sa Uelese lava.
O leoleo ma le augalulue a le SES faapea le tineimu ma le marine rescue na faaauauina le suesuega faapea foi isi alii suesue faapitoa ma o le asō ua faailoa mai ai ua maua le tinomaliu o si nei alii talavou i se vaega lalata ane i le vaega na tafea ai ma na maua i le ‘afa o le valu i le taeao ananafi.
