Pe ā ma le 70 tausaga le matua o se tamā na maua lona tino maliu i le mae’a ona mu o se fale i le faaitu o Broken Hill i Sini.
Ua ta’ua i le lipoti o le vaega a le fesoasoani faavavave na agai ane i le fale lea i Argent St i le tasi i le vaveao analeila ina ua lipotia atu e tuaoi le mu ma e lei mafai ona ulufale tineimu ona o le aasa o le afi i le taimi na taunuu ane ai.
Ina ua mafai ona agai i totonu i se taimi mulimuli ane na o latou maua ai le tinomaliu o lea tamā matua, e lei faamautuina poo ai tonu peitai fai mai leoleo e mautinoa pe ā ma le 70 tausaga ma sa aumau ai i lea fale.
O isi faamatalga mai leoleo ua ta’ua ai e foliga na amata ane le afi mai le fireplace ma e foliga e lei iai ni smoke detectors i le fale poo ni faailo e iloa ai se afi pe a sasao ane.
Puna o Faamatalaga: https://www.9news.com.au/national/broken-hill-fire-death-nsw-body-found/b67d2ef9-0c98-432a-928b-532ae3ea579b
