Ua lipotia i le RNZ i le asō o se pepa faapolokiki o loo finau mai mo le faia o se faaitiitiga i lafoga mo le tapaa sa tuuina atu i sui o le soifua mālōlōina e se minisita o le NZ First, e ui o lea lava o loo ia faailoa na te lē iloa poo ai na tusia lea pepa ae pe faapefea foi ona oo atu i lona ofisa.
O le masina o Tesema 2023 na tuuina ane ai e le minisita lagolago o le Soifua Mālōlōina, Casey Costello le pepa lea ae o le amataga o le tausaga nei na ia teena ai e iai se pepa faapea.
O lea la ua faailoa mai i lipoti a le Leitio faavaomalo a Niu Sila, ua faailoa vaega o lea pepa ae o loo faailoa pea na te lē iloa poo ai na tusiaina.
Fai mai le sooupu o le Soifua mālōlōina, Ayesha Verrall, o gaioiga a Costello e ese le ata o loo faailoa mai ai ma e lē o se amio lea a se minisita e lē o iai se mea o natia.
Ua faailoa i le lipoti e lei iai se tali ane a le ofisa o le minisita lagolago lea i fesili sa tuuina iai e le RNZ e faatatau i lea mataupu.
Puna o Faamatalaga: https://www.rnz.co.nz/news/in-depth/526139/revealed-politically-charged-tobacco-policy-document-that-nz-first-minister-casey-costello-tried-to-hide
