Ua filifilia Papalii Malietau Malietoa ma Leaula Mataafa Dr Desmond Amosa ma Komesina o Le Komisi o Faiga Faatauva ma tagata Faatau mo le isi tolu tausaga o lumanai.
O lea komisi sa faavae mai i lalo o le Tulafono o Faatauvaga ma Tagata Faatau 2016 o la latou matafaioi o le faalauiloa o faiga faatauvaga o maketi i Samoa, o le auai lea i le siosiomaga o fefaatauaiga e ala lea i le saogalemu ma tulaga e tāua i tagata faatau ina ia puipuia lelei.
O le Matagaluega o Pisinisi ma Alamanuia o loo faatinoina le ofisa o lea Komisi.
O le Komisi o loo tauaveina le Taitaifono e le Susuga ia Charles Sweeney o ia foi lea o le Ofisa Sili o Pulega o le Matagaluega o Pisinisi ma Alamanuia.
O le tofi taitaifono o lea Komisi sa tauaveina lea e Nonu Lemauga Saleimoa Vaai lea ua see atu nei ma Taitaifono o le Komisi o Tagata Faigaluega a le Malo.
