Ua faatalosaga e le taitai o le National le tuli o Nanaia Mahuta mai le kapeneta.

O le teuteuga faaopoopo o le faatulafonoina o le Three Waters lea ua toe tautino ai le malo na sese ona pasi lea o loo mafua ai le finagalo o Christopher Luxon.

Fai mai Luxon ua soli e le minisita tusi o loo faatonutonuina ai le kapeneta ma ua tatau ai ona tuli ma o lana ia mau, o lea na toe aumai e le minisita i totonu le faaopoopoga ua taua e faapea na sese ona tuu iai e ui o lea na muai ioe le kapeneta ia Me e le tuua iai i le pili.

O le teuteuga lenei e faafaigata ai ona sui le tulafono i le lumanai e faatutoatasi ai aseta fesootai ma le vai taumafa.

E ui i nei faamatalaga peiseai ai ua maluelue ai le nofoa minisita o Nanaia i le tausaga fou, mai ia Jacinda Ardern o loo tumau lava lona faatuatuaga i le minisita ma e na te lei soliina taiala a le kapeneta.