Ua toe faamaui i tua le faamavaega a se tasi o faamasino o le faamasinoga o fanua ma suafa, le afioga Tuioti Folasa Sakaria Taituave, ina ua ia talia le fautuaga a le afioga i le Peresetene o lea faamasinoga e faaauau pea ona tauave lona tofiga ua mae’a ona faatauto ai i le masina na tea nei, lea sa faatauto ai ma isi faamasino e toalua.
Ua faailoa e se molimau faatuatuaina o le taunuu o le Peresetene mai sana malaga i fafo na ia maua ai le faamavaega ma ave ai lana fautuaga i le afioga i le faamasino.
Faaalia e le molimau o mafuaaga faaleaiga na mafua ai le faamavaega peitai o lea ua toe faaauau le tofi faamasino o lea tamalii.
