A itiiti mai pe to’a 15 tagata ua fasiotia ma le to’a 14 o loo manunu’a i vesiga a pagota i le falepuipui aupito tele i Ecuador.
O le vevesi na tula’i mai i le aso ananafi ma ua ta’ua o le falepuipui aupito i tele vevesi ua tula’i mai ai aemaise lava i le va o kegi.
Fai mai e iai moliaga o le fasioti tagata o le a faia i nisi o pagota e to’a 9, e pei ona faamaonia mai e le ofisa o le Loia Sili a le atunuu.
Ua lipotia e le CNN e faitau selau pagota e maliliu i le nofoaga lea i tausaga ta’itasi ona o vesiga lava faapea ma e fai lava si faigata o le galuega a leoleo falepuipui ona o le to’atele o sui o kegi o loo iai i le nofoaga.
E ogaoga manu’aga o nisi na maliliu muamua foi mai lea nofoaga, o loo faagasolo i le taimi nei su’esu’ega ma le sa’ilia o se fofō i lenei faafitauli faifaipea i lea atunuu.
Puna o Faamatalaga: https://edition.cnn.com/2024/11/12/americas/ecuador-prison-clash-litoral-penitentiary-intl-latam/index.html
