E lua ni cables o le initaneti i lalo o le Baltic Sea ua faafuase’i ona aafia e pei ona lipotia e se tasi o kamupani fai telefoni a o alia’e ai ma nisi faamatalaga e foliga sa iai se aafiaga o le atunuu o Lusia i lea mataupu.
O se cable o fesoota’iga i le va o Lithuania ma Sweden sa motusia i le Aso Sa talu ai e pei ona ta’ua i lipoti a le 9News, na lipotia ai ona mafua ona motusia le cable e lē o se faaletonu tau masini peitai e foliga na faaleaga e se tagata.
O le isi foi cable e fesoota’i ai Finland ma Siamani sa faaleagaina foi ae lē mamao ese foi lea mai le cable lea na motusia.
Ua tuuina mai ai ma se pepa o faamatalaga fai faatasi mai ia Siamani ma Finland e matua’i popole i le tulaga ua iai nei cables ma e masalomia e i’u ina tula’i mai se faaletonu e iai se aafiaga faavaomalo.
O loo ua faagasolo nei le su’esu’ega i lea mataupu.
Puna o Faamatalaga: https://www.9news.com.au/world/baltic-sea-undersea-internet-cables-cut/69432a7d-71af-4dc1-bb69-b3957a14e3de
