O loo tau fai lagona uma e tagata le faigata o le maualuluga o tului totogi ma le alu i luga o rates a puleganuu.
O le vaiaso nei na toe molimau ai le pulenuu o Ueligitone, Tory Whanay o lea na toe faatau lana taavale e fesoasoani ai i pili totogi, ma o lea na tuufesili ai nisi pe aisea ae o lea e totogi $190,000 i le tausaga ma e lei mamao atu foi na manumalo i le Lotto.
Tali a le MoneyTalks e lē na o le pulenuu, o lea ua maitauina le faatupula’ia o tagata totogi maualuluga o loo toe sulu atu e moomia le fesoasoani ona o tulaga tau tupe.
Mai le MoneyTalks pe tusa o le 20% o tagata o loo toe aga’i atu mo se fesoasoani o i latou nei e i luga atu o le ta’i $130,000 totogi i le tausaga.
Ua ta’ua ai o le to’atele ua lē o toe totogia ni inisiua ona ua lē gafatia pe a uma ona totogi fale ma isi pili.
I faamaumauga a le Stats NZ o loo sau ai le saoasaoa o le alu i luga o le tau o le soifuaga i Niu Sila e pei ona faamauina le 5.6% i totonu o le tausaga e faai’uina ia Iuni o le tausaga nei, e ese ai le 6.6% na faamauina i le masina o Mati.
Ae mai le Debtfix, o loo ia faaluaina le manatu o le MoneyTalks, o loo to’atele tagata e maualuluga totogi o loo pagatia ma moomia foi le fesoasoani ona o le taugata o le soifuaga ua iai.
Puna o Faamatalaga: Six-figure incomes not enough to stop financial stress | RNZ News
