Ua valaau nei le Komisi o suiga o le tau, le climate change commission i nisi suiga faavavevave ma mautu e faia i faiga faavae a le malo faatatau i le faaitiitia o kasa oona i le siosiomaga le emission reduction policies, fai mai a latou o le faiga o loo iai i le taimi nei e le talafegai.

E 19 lelei fautuaga ua tuuina mai i le latou lipoti faataitai tuuina atu i le malo i le Aso Lulu o le vaiaso nei ma le faamoemoe e faailoa ai i le malo le itu e ao ona agai iai ina ia ausia ai le faamoemoe lea mai le 2026-2030.

O lona uiga ua matuai faamanino e le komisi e tele nisi gaioiga e manaomia ona faia, afai e leai e le ausia e Niu Sila le faamoeoe o le net zero emissions pe a oo atu i le 2050.

O nisi o fautuaga o loo aofia ai ma le faaopoopo o le aofai o taavale eletise ma vaega e fafaga ai, faaopoopo le malosiaga faafouina ma ia fuafua lelei ma faatupe auala mo le au vili uila ma faigamalaga faaalauaitele.

Fai mai le lipoti na talia lelei e le minisita o suiga o le tau o James Shaw ia fautuaga.