Ua fesiligia tulafono fou o fanuatanu a Hurunui i Matu o Canterbury pe lē o lea e atili taugatā ai toe sauniga o maliu.
O le tulafono fou lenei na aloa’ia i le aso muamua o Mati, ma na ta’ua e tatau ona iai se funeral director poo se faatonu e faatautaia maliu i taimi e falelauasi ai le maliu i le itumalo o Hurunui.
Peitai na faaalia e le sui pulenuu, Vince Daly i lipoti a le Local Democracy Reporting, o loo ia ta’ua ai e lē tau moomia e aiga le totogi o se funeral director ma e lē faatulafonoina lea ta’iala.
Na faailoa e le sui pulenuu, o le isi foi lea tupe alu mo aiga i taimi o faanoanoaga.
Mai le puleganuu ua vaavaai nei ia auai nisi o sui o le aufaigaluega e suitulaga i funeral directors ma o le suiga faaopoopo foi i le tulafono ua aloa’ia nei, o lea lava na faia mo le mautinoa o le soifua mālōlōina ma tulaga saogalemu.
Puna o Faamatalaga: https://www.stuff.co.nz/nz-news/360604719/grieving-families-may-face-extra-cost-due-cemetery-rule
