Ua toe maua ma o loo manuia tamaiti e to’afā na faailoa i luga o faasalalauga i televise ma leitio i le taeao ananafi i Ausetalia nei, o loo tau sailia mai lo latou aiga i Kuiniselani. O loo su’e pea nei e leoleo le alii sa lipotia na aveina tamaiti ia e to’afā e 3 tausaga, 4, 7 ma le 8 tausaga le matutua ae na aveeseina mai lo latou fale i le taeao o le Aso Tofi i le itu i Matu o Mackay.
Fai mai leoleo e to’atolu teineiti ma le tamaititi e to’atasi lea e fā tausaga ma ua toe faafoi ane i lo latou fale i le aso ananafi ma o loo manuia uma. Faailoa le fiafia o si o latou tina ae ua ta’ua e leoleo o lē o loo sailia o Josh Carter e masani iai tamaiti.
Ua faailoa lona ata i luga o televise ina ia fesoasoani ai i le sailiga a leoleo. E lē o ta’ua pe aisea na ave ai tamaiti ae o le ā foi le sootaga o lea tagata i le aiga.
