O le toe malolo o fanau aoga uma i le atunuu i le vaiaso nei, ona o se talosaga a le matagaluega o le soifua maloloina i le Kapeneta ona o puipuiga o le fulū ua aafia ai le toatele o fanau, ua faailoa ai e le Ofisa Sili o pulega o le Matagaluega o Aoga Taaloga ma Aganuu, e malolo fanau ae galulue pea faiaoga e tapena galuega a fanau ia latou aoaoga, ona ave lea i mātua ma ē o vaaia fanau, e faatino le latou pitolaau o le fai o meaaoga i le fale ma faaauau ai pea a latou aoaoga.
Na faamanino lea tulaga e le Ofisa Sili le afioga A’eau Chris Hazelman, ona o le naunautaiga ia aua ne’i avea le faaopoopo o le vaiaso e malolo ai, e tuu ai le galuega a faiaoga e faaauau le aoaoina o fanau, ae lagolago malosi iai matua.
Le faatonu sili o le matagaluega o A’oga Taaloga ma Aganuu, afioga A’eau Chris Hazelman.
