E lē ioeina e le Commerce Commission le tuufaatasia o le Foodstuffs North Island ma le Foodstuff South Island Limited e avea ma totino faapisinisi e tasi.
O le ta’ita’ifono o le Commerce Commission ua ta’ua i le One News sana faamatalaga e faapea e lē o faamalieina o le a leai se aafiaga o le tuufaatasiga lea i tulaga faapisinisi ma faiga faatauga.
Fai mai a ia o le popolega o loo iai o le Komisi afai ae faatino lea tuufaatasiga o le a iai loa se suiga tumau i le auaunaga tau oloa faatau ma o le a iai ma ni aafiaga i le tulaga faatauvaga (competition) aemaise i tagata faatau.
O le kamupani lea a le Foodstuffs latou te faagaioia faleoloa e pei o le Pak n Save, New World ma le Four Square.
Ua faailoa foi i le lipoti lava lea le lē fiafia o le pulega o itu e lua i le faai’uga ua faia ma o le a faatali se’i mae’a se iloiloga o le a faia i le mataupu ona faamautū lea o le isi a latou gaioiga.
Puna o Faamatalaga: https://www.1news.co.nz/2024/10/01/commerce-commission-says-no-to-proposed-foodstuffs-merger/
