O le iuga o le lipoti ua faaigoa State of the States report ua ta’ua ai o Tasmania ua sili atu nei ia Kuiniselani i le faatulagana o setete o Ausetalia i le tulaga tau i le faagaioiga o tupe, economic performance.
O le mataupu na faalauiloa mai e le CommSec i le asō ua iloa ai setete ma teritori sa tulaga lelei le faagaioiga o tulaga tau tupe ma silasila foi i itu e pei o le aofai o tagata ma lona faatupulaia, tupe faaalu ma tau o oloa faapea le faamautuina o tulaga o tau o fale ma le faaitiitia o avanoa faigaluega.
O i la ua iloa ai le malosi o Tasmania, ua tulaga tutusa ai Kuiniselani ma Ausetalia i Saute i le tulaga 2, tulaga fā Niu Sa Uelese, tulaga tutusa i le tulaga lima le setete o Vitoria ma Western Australia, sosoo atu ai ma le ACT, ma le Northern Territory i le pito i lalo o le lisi.
