O le faalauina mai o le to’a 20 pito i luga poo le Top 20 o tamaitai tauva mo le sailiga o le Miss Global 2023, na aliali ai le sasi ina ua valaau mai le Miss Samoa, ae laa ane i luma le Miss Bahamas.
Na vave ona toe faasa’o mai e le fofoga o le afiafi le tamaitai e tatau ona iai i lea tulaga, le Miss Samoa, ma toe faia ai le fesuia’iga ina ua toe savali i tua si tamaitai le Miss Bahamas, ae savali mai i luma le Miss Samoa, le tamaitai o Haylani Kuruppu.
E maua mai faamatalaga a le alii ma le tamaitai sa fai ma fofoga o le afiafi, atonu o le pisapisao o totonu o le nofoaga o loo fai ai le tauvaga, ua faalogo sese ai si tamaitai na sasi, e ui i le maitau atu, o la sa iloa lava e le toatele o tamaitai tauva le sese o le Miss Bahamas lea ua savali ane i le tulaga o le Miss Samoa.
O atunuu na sao o latou sui tauva i le Top 20, e aofia ai:
Thailand, Vietnam, New Zealand, Spain, Bulgaria, Puerto Rico, Indonesia, Australia, Samoa, Lithuania, Brazil, Venezuela, Philippines, Columba, Cambodia, Malaysia, USA, Nigeria, South Africa, ma Dominican Republic.
