Ua sauni Saina e faalauiloa le lipoti e faatatau i le aofa’i o ana oloa ma auaunaga gaosia i le atunuu i le tausaga na te’a nei 2024 e ui o loo agiga pea faamatalaga e faatatau i le mataupu e faatatau i fale ma aitalafu tetele a le malo faapea le to’atele o talavou lē faigaluega.
Fai mai le BBC i lana lipoti i le asō na faatulaga e Beijing se taula’iga o le tulaga faatupula’ia pea i le tausaga o lona tamaoaiga lea sa faatulaga i le 5 pasene i le masina talu ai, saunoa ai le peresetene o Xi Yingping e ausia lava e le atunuu lea taula’iga.
Fai mai a ia e masani lava Saina i le ola i le savili ma le timu ma e faasolo foi ina malosi i taimi faigatā.
E tatau ona tumu i latou i le lototele.
E manatu nisi e tele le silafia i mataupu tau le tamaoaiga e pei ona talanoa ai le ta’ita’i o Saina, e moni lelei lea faamatalaga ia Saina, e oo foi i le faletupe o le lalolagi fai mai a latou o le tau e totogi mo ni nai tupe nonō ma le siitia o le oloa auina atu i fafo a Saina e ono ausia ai e Saina le taula’iga e pei ona fetaua’ina.
E ui o loo iai pea popolega o nisi o investors o le a tele se aafiaga o lafoga totogi poo tariffs i oloa auina atu i Amerika ua mae’a folafola e le Peresetene o le a iai nei o Trump ae lē taumate o le a faaauau pea ona finau Saina ia ausia ana moemitiga i le faatupula’ia o lona tamaoaiga.
Puna o Faamatalaga: https://www.bbc.com/news/articles/ceq9lxlg811o
