Ua faia se lapata’iga a le tamaitai faipule o Jacqui Lambie ua lipotia i le 9News e faatatau i vaatau a Saina lea na feta’ua’ina le faia o sa latou faata’ita’iga i gataifale o Ausetalia.

Fai mai Lambie i le polokalame o le Today ina ua mae’a ona faamaonia e le matāgaluega o le puipuiga ni vaa se tolu a Saina ua faamauina i le itu i Sasae o Tasmania, e lē o Saina lea e faalavelave ia te ia i le taeao analeila ae o le vaega o le puipuiga a Ausetalia ma meafaigaluega o loo latou umia.

Fai mai Lambie o le mea moni o se tulaga faamāina le lē mafai ona o tatou puipui o tatou lava tagata ma o le tulaga lea o loo popole iai.

Ta’ua e le tamaitai faipule na te lē iloa pe mafua i se ā ua lē iai ai ni a tatou missiles ia faasoo ai Ausetalia.

Fai mai le matāgaluega a le Puipuiga o fuāvaa ia a Saina na ulufale i le ogasami faasaoina a Ausetalia i le taeao ananafi, ma o loo galulue nei ma le militeli a Niu Sila i le mata’itūina o ia vaa.

Puna o Faamatalaga: https://www.google.com/amp/s/amp.9news.com.au/article/a00373b5-ffb8-4f82-9227-2690bb797664