O le taeao analeila lea ua lipotia mai na maua ai se alii i se kapaka i le Great Western Highway i Prospect o loo iai manu’aga i ona foliga na tatui e se tagata se’i tulou.
Fai mai le 7News na maua atu i le tusa ma le 32km mai le itu i Sisifo o le aai o Sini ma pe ā ma le 40 tausaga le matua ma faavave atu loa i le falema’i o Westmead mo togafitiga.
Fai mai leoleo e lē tigaina tele ona manu’aga ma o loo faagasolo le latou su’esu’ega i le taimi nei.
Ua talosagaina foi nisi e silafia ni faamatalaga i lea faalavelave ina ia fesoota’i vave ane i leoleo poo le Crimestoppers.
Puna o Faamatalaga: https://7news.com.au/sunrise/man-stabbed-in-western-sydney-carpark-and-raced-to-westmead-hospital-police-investigating-c-16756114
