O loo mataitu nei e le GNS Science se aofaiga o mafuie ua faalogoina pea le lūlū lata i Wairoa i le itu i Matu o Hawkes Bay i le vaiaso nei.
Talu mai le aso 17 o le masina nei ua faamauina e le Geonet e 63 lelei mafuie ua lipotia mai lea faaitu e tusa ma le 25km i le itu i Matu i Sasae o Wairoa.
O le mafuie aupito malosi e 4.4 i le fua mafuie i le aso ananafi ma sa toatele foi na faalogoina.
Fai mai e lē fou le lūlū o mafuie i le faaitu lea ma o ia ituaiga mafuie e mātele ina sosoo lava lūlūuga ma tali tutusa foi le malolosi mo sina taimi puupuu foi ae lē masani ona aofia ai ma se lūlūuga tele.
Fai mai le fautuaga a Geonet ia i latou o loo aumau e lalata ane e moni e faapopole tagata le faalogoina o le mau mafuie ae o le fautuaga ia nofo sauni pea i taimi uma ma faamautinoa le saogalemu ma le sauni mo taimi e aafia ai i mafuie ma manatua foi le faamanatu masani e pei ona iai le faamanatu i le faaperetania, Drop, Cover and Hold.
Puna o Faamatalaga: https://www.newshub.co.nz/home/new-zealand/2024/06/gns-scientists-keeping-an-eye-on-earthquake-swarm-near-wairoa-in-hawke-s-bay.html
