E tatau i soo se Kiwi o le a faia faatasiga ona usitaia ma tapa faamaoniga o tui, a leai e ono faasala i le tulafono

Ao agai atu i le faaola o le traffic light system mai le po a taeao, o lea ua toe faamanatu e moomia le usitaia o le faatonuga e tatau ai ona faailoa faamaoniga o tui.

Ese mai i pisinisi ma auaunaga, o lea foi e lavea ai ma faatasitasiga e pei o sauniga lotu, soo se faatasiga e faia i fale o aiga, aso fanau ma isi

Mo Aukilani, Northland ma nisi o vaega o le North Island o le a moli lanu mumu ma o loo filifili foi e faaaoga vaccine certificates e mafai ona faatasitasi e oo atu i le toaselau ae ia tautuana e tapa faamaoniga o tui o tagata o le a auai

Peitai afai e leai ni faamaoniga o tui, e na o le 25 le fuainumera faatapulaa

Mai le minisita o le soifua maloloina, Andrew Little, e tatau i tagata e ana faatasiga ona faamaumau ma tapa faamaoniga nei ma e ui e le o manino le faasalaga tupe, i aofaiga faatusatusa e ono oo atu i le $15,000