O ata ua maua mai I le aso mai le vaega o le puipuiga a Niu Sila ua faailoa ai faagasologa o galuega a le aufaigaluega a le NZ Defence Force ua faatino nei ina ua taunuu I Tonga ma amata le kilivaina o fesoasoani mole motu.
O nisi o fesoasoani ua taunuu i Tonga mai le C-130 Hercules e aofia ai containers o le suavai mama aemaise faleie ma afi poo generators. Ua lipotia foi le taunuu o le vaa a le Navy a Niu Sila le
HMNZS Wellington ae ua fuafua e taunuu foi I le aso leisi vaa ole HMNZS Aotearoa. Ua taua mai foi o le a Iloilo e le au maulu a Niu Sila le tulaga o iai le saogalemu o le uafu ile malo o Tonga ma ua amata faasolo atu fesoasoani ia I latou na matuai aafia mai le faaiuga o le vaiaso talu ai mai le tsunami male maugamu I lea itu o le pasefika.
I Niu Sila nei ua lipotia mai e tulaga ese le agalelei ma le aao foai o tagata e le tagata I tagatanuu o Tonga ae faapea foi ile lautele I nisi o taumafaiga mo le tuufaatasia o ni fesoasoani mo le motu. Faamatala e I latou o loo feagai ma lenei faamoemoe e aofia ai le faipule o Jenny Salesa, e maoae le tali atu a tagata I lenei faamoemoe e pei ona faamautu I Mt Smart Stadium.
Fai mai e oo atu I le tolu ile fa itula e faatali ai I le que mole agai atu e tuuina foai mo lenei taumafaiga. O le pulenuu o Aukilani Phil Goff ua ofoina le 25afe e fesoasoani ai I galuega toe faaleleia I Tonga. O le fesoasoani tuuina sao mai se faaputugatupe ua faatuina faapitoa mo fesoasoani I faalavelave faafuasei I le pasefika.
