O le a faia mai le saunoaga faapitoa mo le Kerisimasi e le Tupu o Salesa mai se lotu e iai sootaga ma le komiuniti faafoma’i.
O le faamatalaga e pei ona lipotia i le CNN ua ta’ua ai ua ese lea faiga mai le mea na masani ai ona o loo faaauau togafitiga o le Tupu i le gasegase o le kanesa.
Ua 76 tausaga o le soifua o Tupu Salesa lea sa ia mua’i faalauiloa faalaua’itele i le masina o Fepuari lona aafia i le kanesa.
O le fe’au faamanuia o le Kerisimasi mai le aigatupu e masani lava ona faia mai i Buckingham Palace poo Windsor Castle peitai ua manatu le aigatupu e lelei ona pu’e mai le tautalaga a Tupu Salesa i le malumalu lea o le Fitzrovia Chapel e i le ogatotonu o Lonetona.
Fai mai o se nofoaga ua faaaogā nei mo mālōlōga ma le faamanatu ai o mea matagofie e tutupu i le soifuaga.
Puna o Faamatalaga: https://edition.cnn.com/2024/12/23/uk/king-charles-christmas-message-fitzrovia-chapel-intl-gbr/index.html
