O le taeao analeila ua faamaonia ai e le taitai o le vaega faaupufai a le National, Christopher Luxon o le a le ulufale atu lana vaega faaupufai i se soofaatasi ma le Freedoms NZ Party.
Sa tuufesilisili le toatele i se taimi ua tuanai pe faamata o le a iai se sootaga o le vaega faaupufai fou ua faalauiloa talu ai nei agai i le pati a le National peitai la o lea ua manino le mata o le vai e pei ona saunoa le taitai, e leai se soofaatasi e faia ma lea pati fou.
O le solo tetee sa savalia ai Aukilani i le vaiaso talu ai na folafola ai e le taitai o le Destiny church, Brian Tamaki lea vaega faaupufai fou.
