Toeitititi atoa le 80 tausaga o le soifua o Rodrigo Duterte ae ua faailoa mai ua i lalo nei o le vaavaaiga a leoleo.

O Rodrigo sa avea ma peresitene o le atu Filipaina i tausaga ua tuanai ma ina ua taunuu atu i Manila i se malaga mai Hong Kong, sa faatali mai e leoleo a lea atunuu ona o loo iai se poloaiga e pueina ai o ia, poloaiga mai le International Criminal Court poo le ICC ma tuuina atu ai i lima o leoleo a le atu Filipaina.

Faaalia le tetee e lona aiga ma nisi e lagolago ia te ia faapea ana loia i le gaioiga na fai e leoleo i le malae vaalele ma ua faitio ai i le lē silasila o i latou ia i le tulaga matua ua iai le soifua o lē sa avea ma taitai.

Ao tulai mai i le taitaiga o le atunuu sa fai ai le osiga feagaiga poo le faigapaaaga ma le Marcos Family, alo o le taitai iloga o Ferdinand Marcos peitai na toe mavevae i se taimi mulimuli ane ma fai mai ai le va lea o aiga ia e lua.

O loo ua aga atu nei la Rodrigo mo le tali i ona moliaga i le faamasinoga faavaomalo, ua ta’ua i le lipoti e faatatau i le tele o soifua maumau i mataupu tau fualaau faasaina ma vevesi na tulai mai foi i lona taimi faa-le-taitai.

Puna o Faamatalaga: https://www.bbc.com/news/articles/cp9ykn85401