O le a lava lava tuipuipui o le koviti mo tagata uma I Niu Sila ae e tatau ona lava le onosai I nisi o tulaga e pei ona saunoa ai le minisita lagolago o le soifua maloloina o Ayesha Verrall.
A tuu aofai e tusa ma le 232 afe tuipuipui ua maea ona faia I le taimi nei , ua atoa le 172, 564 o tagata ua maea ona faia tui puipui muamua ma le tusa ma le 64 afe o tagata ua maea ona faia uma tui e lua.
I totonu o le 7 aso talu ai e 47,981 tui puipui sa faia. O tagata uma sa ono fesootai iai le tagata faigaluega tuaoi I aukilani lea na faamaonia le aafia I le amataga o le masina ua faailoa mai ua maua mai le iuga o siaki na faia e negative uma, lona uiga e le o aafia I le faamai,
Ua faailoa foi e le faatonu aoao o le soifua maloloina Dr Ashley Bloomfield ua maua foi talosaga mai tagata taaalo mo le vave faia o tui puipui faatasi ai ma nisi o talosaga mai le matagaluega o le va I fafo ma fefaatauaiga pei ona faailoa ile herald.
Saunoa le minisita lagolago e manaomia le onosai I tulaga faapea ma ua faapea foi ona tufatufaina faamatalaga tusitusia I le faagasologa o le faia o tui puipui.
O tagata uma e ulufale I Niu Sila mae e le agavaa ile le faanofoesea, e manaomia lava ona faanofoesea mo le 14 aso, O loo iai foi le faasalaga mo I latou e solia tulafono o femalagaaiga le air border order, o le ono masina I le falepuipui poo le totogi o le 4 afe tala.
