Faailoa e se tasi o alo o Samoa ua filifilia i le tofi Kapeteni o le Toa Samoa, Jarome Lua’i o se faaaloalo maualuga mo ia le tofiga ua tuuina atu aemaise le tāua ia te ia o Samoa.
O le faatalanoaga a le alii taalo i le ABC na ia faailoa ai i le mae’a o le 10 o ana taaloga mo Samoa i lalo o le ta’ita’iga a lē sa avea muamua ma Kapeteni o le ‘au Junior Paulo o le a taumafai e faatumu seevae ia ma o se tulaga maualuga ia te ia.
O le vaiaso nei ua faalauiloa ai le ‘au a le alii faia’oga o Ben Gardiner o le a malaga taamilo i le United Kingdom.
Ua faailoa foi o le ulua’i taimi lea o le a fetaui ai Samoa ma Enelagi talu mai le semi final o le Ipu o le Lalolagi i le 2022 na malo ai Samoa i ‘ai e 27-26.
E lē o avanoa le alii o Stephen Crichton ona o tuatuagia ae o le ‘au ua filifilia e aofia ai ma alii taaalo e to’afā sa tausiniō i le sa’iliga siamupini o le NRL na se’i mavae atu nei.
Puna o Faamatalaga: https://www.abc.net.au/pacific/jarome-luai-toa-samoa-captain/104456120
