O loo fia maua e leoleo nisi e silafia ni faamatalaga i le faatusa o le meaola o le pea ua gaoia mai se taulaga faatau i Melepone.
O lē sa faatinoina le galuega o le tāina o le faatusa lea e faaigoa o Sparkly Bear na ia faailoa lona te’i tele ina ua aveesea le faatusa.
E talitonu leoleo e to’atolu tagata na o latou gaoia Sparkly Bear i le aso 11 o le masina nei.
E lata i le 60 afe le tau o lea statue e faia i le apamemea ma sa tuufaatasia e tusiata mai Sini o Gillie ma Marc.
Sa o la ta’ua o lea faatusa sa faia ma le faamoemoe ia maua ai se fiafiaga o tagata ma se lagona fesoota’i i le komiuniti, ma o se faanoanoaga le faalogo atu i le tulaga ua tula’i mai.
O loo talosaga ai la leoleo i soo se tasi e ono silafia se faamatalaga i le mataupu lea ia fesoasoani ane i le sailia o Spakly Bear.
Puna o Faamatalaga: https://www.google.com/amp/s/amp.9news.com.au/article/9f733dec-841e-46a1-8e79-8aad758240eb
