Ua tusi aloaia mai le minisita fou o leoleo i lana komesina ma faataoto taiala aemaise o itu o loo faamuamua e le faigamalo fou.
O lea lava e lei saunoa manino le minisita ia Mark Mitchell i le maualuga o lona talitonuina o Andrew Coster, poo lē na filifilia e le Labour e avea ma komesina o leoleo.
O loo ta’ua ai i lea tusi e lē lagolagoina e le minisita isi auala na uia e le faigamalo faatoa mavae atu, ma ua faatepa ai foi e le minisita le komesina i itu e lē o iai se lagolago a le malo fou.
O fuafuaga i totonu o le 100 aso muamua o le tulai mai o le faigamalo fou o loo sau ai le taofia ona toe faapotopoto o sui o kegi i nofoaga faitele, faasā patches poo pine ma toniga nei e iloa ai kegi, atoa ai ma le tuuina atu i leoleo o le malosiaga faaopoopo mo suesuega.
Ua faatonuina foi e le minisita le komesina o leoleo ia galulue ma le Oranga Tamariki faapea isi faalapotopotoga e saili poo ā tiute e mafai ona tauave e faalapotopotoga nei e pei o le mental health.
O le tusi o lea ua toe faalauiloa e le komesina o galuega a le malo, poo lē na fesoasoani i le tusiaina ma o lea foi ua uma ona feiloai le komesina faapea le minisita ma ua malilie i itu uma ua ta’ua.
