E lē o fia faailoaina le suafa o le tagata na foa’ia le 40 afe e fesoasoani ai i le toe aumaia i Ausetalia o se alii na faamanu’alia i Bali a o iai i sana tafaoga, aafia ai i se uilaafi i le vaiaso talu ai ma sa sa’ili fesoasoani ai lona aiga e faatupe le toe aumaia o ia i le atunuu.
O le itulau ua faia i luga o le social media e lona aiga ua ta’ua ai le mana’omia o le 40 afe e totogi ai le ta’otoga o lē ua aafia atoa ai ma le 50-100 afe e mana’omia e aumai ai i le vaalele faapitoa mo le toe aumaia i Ausetalia.
Ua faailoa e le aiga o le taimi nei e 135 afe ua maua o lona uiga ua silia ma le taula’iga sa tau sa’ilia e 120 afe.
O le foa’i aupito i tele e 40 afe mai le tagata e lē o fia faailoaina lona suafa ma ua faailoa le agaga fiafia ma le faafetai o le aiga o lē ua aafia ona o le agalelei o sia tagata ma le loto fesoasoani.
Puna o Faamatalaga: https://www.9news.com.au/national/anonymous-donor-gives-40000-to-help-fly-injured-aussie-home-from-bali/7c46d309-10a0-428b-aec5-5a1e0329ad5a
