Ua tatala ma faasaoloto i se faaiuga a le faamasinoga faaitumalo se taulealea na nofosala mo le 5 masina i le falepuipui ina ua faamaonia lona moliaga o le lafo o upu tau faifai poo insulting words.

O le faasalaga maualuga o lea solitulafono i le falepuipui e tusa o le faasino ala o faasalaga e faia i le faamasinoga fesoasoani e seei ma tauave ona taualumaga i se faamasinoga sinia o le faamasinoga o fanua ma suafa e 3 masina i le toese. I le faaiuga a le tamaitai faamasino le afioga Alalatoa Rosella Papalii na ia tuuaia ai le faaiuga ma ia saunoa e soli faavae ma soli tulafono. 

Na maua le faaletonu lenei ina ua tulai le taule’ale’a na faasalaina i se isi foi solitulafono tau i le lafo o upu taufaifai na māua ai foi sa loka ma taofia e leoleo lē ua molia ina ua maea suesuega ma na taofia ai pea seia oo ina faia le faaiuga a le afioga i le faamasinoga sinia o le faamasinoga o fanua ma suafa na suesueina ma faia le faaiuga. 

O lea Faamasino ma malolo litaea mai i le galuega i le masina na tea nei. Ua fautuaina le na molia ma faasala i le falepuipui o loo ia te ia le filifiliga saoloto i lalo o le faavae e saili ai se fautuaga faaletulafono pe a fia tuuina atu sana tagi e lu’i ai le faaiuga na faasala ai o ia i le lima masina i le falepuipui.