Ua molia e leoleo se alii talavou i ni solitulafono o le taufaasese i lona ofuina o se togiga e faaaogā e foma’i ma ia faailoa ai i tagata i le falema’i i Motootua, o ia o loo a’oga faafoma’i i le a’oga o le Oceania School of Medicines o loo i Motootua.
Ua faailoa e le Komesina o leoleo i se lipoti i le faai’uga o le vaiaso e lē gata ina faia e lea taulealea le taufaasese ae sa ia fealua’i foi i totonu o nisi o potu o loo taofia ai gasegase ma ia faate’a se tasi o ma’i sa taofia mo togafitiga.
O lona leiina o togiga e faaaogā e foma’i sa avanoa ai ona ia maua nisi o meafaigaluega e faaaogā e foma’i, ae sa faigatā ai foi ona iloa vave lana gaioiga.
Ua molia ai foi i lona gaoia o ia meafaigaluega ma o loo nofo taofia i le vaaiga a leoleo a o faia su’esu’ega ma faamautū le aso e tula’i ai i le faamasinoga.
